Festival/Certamen

O Galician Freaky Film Festival (GFFF), celebrado en Vigo, é un evento centrado no cinema e a cultura freak que ofrece ao público unha experiencia única e innovadora. O festival presenta unha coidada selección de pezas audiovisuais nacionais e internacionais que normalmente non dispoñen de canles habituais de distribución, moitas delas inéditas en Galicia.

Ao longo das súas edicións, GFFF consolidouse como un espazo para descubrir propostas arriscadas e creativas, con grandes estreas mundiais, internacionais e nacionais. Ademais das proxeccións, o festival organiza actividades paralelas que fomentan a participación do público, o diálogo entre creadoras e espectadores e a difusión da cultura freak como parte do panorama audiovisual contemporáneo. GFFF aposta pola diversidade, a innovación e a visibilidade de obras alternativas que desafían os formatos e narrativas convencionais do cinema.

Imaxinaria é un festival internacional de cine de animación que ten lugar na cidade da Coruña, promovido por Afundación.
Un proxecto que busca promover e dar a coñecer ao público en xeral a animación audiovisual menos comercial, e tamén funcionar como punto de encontro dos profesionais do sector, onde Galicia conta cunha ampla e recoñecida tradición innovadora. O festival está dirixido por Matilde Rodríguez, comisaria da Mostra Internacional de Ilustración Contemporánea (MiiC), e o director Alberto Vázquez, referente da animación actual, gañador de numerosos premios nacionais e internacionais.

O festival Intersección focaliza a súa programación en obras que se atopan no cruzamento de disciplinas, como a arte contemporánea, o cinema de vangarda ou a música, abarcando unha gran variedade de formatos, técnicas e linguaxes.

Mares da fin do mundo é unha mostra internacional de cinema documental única e singular en España, comprometida co medio marítimo e co sector pesqueiro artesanal, que busca xerar conciencia sobre a necesidade de coidar un dos nosos recursos máis valiosos: o mar

A MICE pretende dar a coñecer os traballos audiovisuais relacionados coa etnografía e a antropoloxía, disciplinas científicas nas que se enmarca o traballo do Museo do Pobo Galego. O festival quere xerar un espazo de diálogo, de reflexión e de intercambio arredor da confluencia entre a antropoloxía social e cultural e a teoría e a práctica cinematográfica.

Congreso Internacional de Animación, VFX e Novos Media.

Novos Cinemas é un festival de inicios, adicado ao descubrimento de obras desas persoas inician a súa carreira no ámbito cinematográfico. Ademais de contar con dúas seccións oficiais dedicadas a primeiras e segundas obras, o festival ten como base a formación para todas as idades: escolares, alumnado universitario e público xeral.
Cada ano, Novos Cinemas pon o foco sobre a obra dun creador ou creadora destacado para amosarlle ao público a súa cinematografía, e completa a súa programación con encontros, un LAB de asesoría de proxectos, coloquios, presentación de primeiras imaxes de filmes e música nunha semana que se traduce nunha gran xuntanza entre cineastas e público previa ao Nadal.

O Festival de Cine de Ourense é a cita competitiva internacional máis antiga que se celebra en Galicia. A primeira edición tivo lugar en 1996 e nace como Festival de Cine Independente de Ourense e co obxectivo de marcar e ofrecer novas perspectivas para a promoción do cinema galego.
Neste certame, o xénero independente é o protagonista, un tipo de produción cinematográfica que cada vez conta con máis seguidores e que espertou un grande interese entre o público e os profesionais do cine. Trátase de producións cinematográficas de baixo orzamento, nas que a imaxinación e a orixinalidade son máis importantes que o custo económico.
Tamén concede outros nove premios honoríficos e acolle mesas redondas, presentacións de libros, masterclass, exposicións e encontros profesionais.

Play-Doc consolidou un modelo de festival atípico que o sitúa como referencia do cinema de non ficción no ámbito nacional e internacional. Por Play-Doc pasaron verdadeiras lendas da historia do cinema mundial. Ao mesmo tempo é un viveiro e plataforma de enorme influencia para a formación, a creación e a promoción do cinema realizado en Galicia.