A cidade da Coruña será protagonista dun novo capítulo da terceira temporada de “De tapas por España”, o programa de turismo gastronómico e divulgación cultural producido por Atlántida Productions e emitido en La 2 de TVE.
A entrega, conducida pola presentadora Adrienne Chaballe, propón un percorrido pola historia, o patrimonio e a gastronomía coruñesa, poñendo en valor a identidade da cidade, a calidade do seu produto local e a riqueza cultural vinculada ao seu territorio.
O capítulo percorre algúns dos espazos e referentes máis destacados da cidade, desde a Torre de Hércules, o Castelo de San Antón ou a praza de María Pita, ata diferentes establecementos e mercados nos que a cociña coruñesa amosa a súa relación co mar, coa tradición e coa innovación gastronómica.
A emisión terá lugar o domingo 14 de xuño, ás 19:40 horas, en La 2 de TVE. Tras a súa estrea, o capítulo estará tamén dispoñible en RTVE Play.
Galería
Ligazóns
Localizacións
A Coruña
