Serra dos Ancares

Territorio salvaxe e fascinante, habitado dende tempos prehistóricos pero illado e inaccesible até moi pouco. A serra dos Ancares lucenses fórmana pequenos vales con aldeas encaixadas entre picos de 2000 metros de altitude. Durante séculos a vida transcorría aquí nas pallozas, cabanas circulares co teito de palla onde convivían persoas e animais domésticos. Bosques de carballos, castiñeiros, faias, acivro, avelaneiras, bidueiros. Prados de toxo e xesta. Xabarís, cervos, corzos, raposos e lobos. Esta serra esténdese polos concellos de Becerreá, Navia de Suarna e Cervantes. Declarada Zona de Especial Protección de Valores Naturais (ZEPVN).