Mosteiro de Caaveiro

Escondido no corazón do bosque, o mosteiro de Caaveiro é un antigo cenobio con máis de 10 séculos de historia e unhas vistas espectaculares desta fraga máxica. É un conxunto de edificacións, algunhas xa desaparecidas como a igrexa principal, igrexa de Santa Isabel, as celas, o cabido, a sancristía, o pozo, os almacéns, o arquivo, o campanario, etc. A súa recente rehabilitación recibiu o Premio Europeo de Intervención no Patrimonio Arquitectónico na categoría de espazos exteriores.