Fragas do Eume

As Fragas do Eume, que se estenden por un abrupto val de gargantas profundas, fan gala de ser o bosque atlántico costeiro mellor conservado de Europa e un dos escasísimos bosques do seu tipo no continente. Abrangue 9.125 hectáreas, e foi declarado Parque Natural en 1997. O parque ten a forma dun triángulo cuxos vértices e límites serían As Pontes, Pontedeume e Monfero. Esténdese polos concellos de Cabanas, A Capela, As Pontes de García Rodríguez, Monfero e Pontedeume.