Faro do cabo Touriñán

Este faro atópase no cabo Touriñán, un saínte con forma de rombo sobre penedos graníticos que penetra no mar a case un quilómetro. Está no concello de Muxía, en plena Costa da Morte. Estes penedos teñen un gran desnivel, ata 93 metros de altitude. É unha zona de forte ondada. Neste cabo atópanse dous faros, un vello de forma cadrada e o actual de forma cilíndrica.