Castro de Viladonga

O Castro de Viladonga, declarado Ben de Interese Cultural pola Xunta de Galicia no ano 2009, destaca na paisaxe da Terra Chá lucense. O xacemento é un verdadeiro modelo formal de castro característico do noroeste, con varias murallas e fosos, que albergan dous antecastros ou aterrazamentos e unha ampla croa central. Neste recinto principal é onde se atopan a maioría das construcións descubertas ata agora: vivendas, currais, almacéns e algún edificio de uso social ou comunal. Todas elas están agrupadas formando conxuntos ou "barrios" que se articulan en torno a dúas rúas principais e un camiño ou rolda paralela á muralla principal.