Castelo de Santa Cruz

O Castelo de Santa Cruz construíuse no século XVI co obxectivo de completar o sistema defensivo da baía coruñesa. Está situado nun illote unido ao porto de Santa Cruz por unha pasarela peonil. Foi declarado Ben de Interese Cultural polo seu alto interese histórico, algo que, xunto á súa beleza natural e paisaxística, fan deste lugar unha paraxe extraordinaria. No seu interior conta con sala de exposición. É de propiedade pública.