Ademais da Galicia Film Commission, catro cidades galegas contan coa súa propia Film Commission: Pontevedra, Vigo, Santiago de Compostela e Ourense. Trátase de entidades sen ánimo de lucro que buscan a promocion das súas respectivas cidades como escenario de rodaxe de producións audiovisuais, así como a estimulación da industria audiovisual e todos os servizos que dela derívanse.
Pontevedra Film Commission
Pontevedra Provincia Film Commission (PPFC) é un servizo público e gratuíto da Deputación de Pontevedra, xestionado por Turismo Rías Baixas, cuxo obxectivo principal é promover a provincia de Pontevedra como destino de rodaxes, proxectos audiovisuais e cinematográficos, así como incrementar o posicionamento da súa imaxe de marca a nivel nacional e internacional e o seu crecemento económico.
Con este servizo preténdese asesorar e apoiar a todas as empresas e profesionais nacionais e internacionais do sector audiovisual que desexen rodar na provincia de Pontevedra. Desta maneira, promóvense e facilítanse as rodaxes neste destino e a internacionalización deste. A Provincia de Pontevedra Film Commission facilita a xestión de todos os trámites e necesidades de empresas e actividades relacionadas películas de cinema, programas e series de televisión, documentais, anuncios publicitarios e reportaxes fotográficas que se queiran rodar nesta provincia.
Contacto
Palacete de las Mendoza, Plaza de Santa María s/n. 36071 - Pontevedra, España
Teléfono: +34 886 211 720
E-mail: filmcommission [at] depo.es (filmcommission[at]depo[dot]es)
Páxina web: www.pontevedraprovinciafilmcommission.es
Vigo Film Office
Vigo Film Office (VFO) é un departamento da Fundación Vigo Convention Bureau, entidade sen ánimo de lucro, que ten como misión promocionar a cidade como escenario de rodaxe de producións audiovisuais, asistir ás produtoras e profesionais que elixan Vigo para realizar os seus traballos, apoiar ao sector audiovisual vigués e estimular o investimento e o desenvolvemento local.
Contacto
Avenida de Beiramar, 57 36202 - Vigo, Pontevedra, España
Teléfono: +34 986 487 118
E-mail: info [at] vigofilmoffice.com (info[at]vigofilmoffice[dot]com)
Páxina web: www.vigofilmoffice.com
Santiago de Compostela Film Commission
Santiago de Compostela Film Commission é un servizo municipal pertencente a Turismo de Santiago, que ten como principal obxectivo a promoción da cidade a través do fomento da cultura da imaxe, así como estimular e consolidar a industria cinematográfica e audiovisual e todos os servizos que dela derívanse.
Contacto
Rúa do Vilar, 63 15705 - Santiago de Compostela, A Coruña, España
Teléfono: +34 981 555 129
E-mail: scfc [at] santiagoturismo.com (scfc[at]santiagoturismo[dot]com)
Páxina web: www.santiagoturismo.com/film-commission
Ourense Film Commission
A Ourense Film Commission, asociación sen ánimo de lucro, nace co principal propósito de posicionar a Ourense na industria audiovisual a través dos seus múltiples e valiosos recursos naturais e infraestruturas. O seu labor centrarase en dous obxectivos fundamentais: promocionar e posicionar á provincia dentro da industria audiovisual e facilitar ás empresas e profesionais a loxística necesaria para desenvolver o seu traballo cómodamente na provincia ourensá.
Contacto
Rúa do Progreso, 32 32003 - Ourense, España
Teléfono: +34 988 31 75 00
E-mail: filmcommissionourense [at] depourense.es (filmcommissionourense[at]depourense[dot]es)
Páxina web: www.filmcommissionourense.depourense.es
