Sede Afundación Vigo

O edificio, sede da xerencia de Afundación, foi proxectado en 1879 polo arquitecto Jenaro de la Fuente Domínguez. De estilo ecléctico, exhibe un traballo virtuoso de cantería e posúe dúas fachadas unidas por un chafrán, resaltado con galerías de fundición. Conta con máis de 13.000 metros cadrados de superficie distribuídos en cinco andares. No seu interior atoparemos un auditorio, un xardín/salón, unha sala de conferencias e unha sala de reunións.