Cómo chegar

O modo máis áxil para chegar a Galicia é por avión xa que conta con 3 aeroportos internacionais: o de Lavacolla en Santiago de Compostela, o de Alvedro na Coruña e o de Peinador en Vigo dende os que se vai poder chegar, de xeito doado, a calquera destino turístico.

RENFE, empresa de servizos de transportes ferroviarios de viaxeiros e mercadorías, conecta a Galicia co resto das cidades españolas e europeas. Tamén permite desprazarse comodamente por Galicia mediante as liñas que comunican as distintas cidades.

A fronteira terrestre de España está integrada no Espazo Schengen, o que facilita o paso sen controis de pasaporte. Galicia está ben conectada por autoestradas (como a A-6, A-52, e a AP-9 dentro de Galicia).